Çfarë do të thotë për Maqedoninë kampionati evropian në hip-hop dhe si fitohet organizimi për të?

Vetë emri Kampionati Evropian do të thotë se kërcimtarët më të mirë të hip-hopit në Evropë do të vijnë në Maqedoni për të garuar për titullin e kampion të Evropës. Për të marrë pjesë në Kampionatin Evropian, kërcimtarët fillimisht duhet të garojnë në kualifikimet kombëtare në vendet e tyre, e më pas në kampionatin që do të mbahet në Maqedoni marrin pjesë tre ose pesë kërcimtarët më të mirë nga secili shtet. Për të qenë në gjendje të marrësh pjesë në garën për organizator të një kampionati evropian, qoftë në hip-hop, balet, vallëzim latin apo kërcime të tjera, duhet të kesh shkathtësi të shkëlqyera organizative dhe përvojë në organizimin e çdo festivali apo konkursi ndërkombëtar.
Nëpërmjet pjesëmarrjes në garë, të gjitha vendet kandidate ofrojnë kushte për organizimin e Kampionatit Evropian dhe shteti që do të ofrojë kushtet më të mira bëhet organizator i tij.

Si renditen kërcimtarët maqedonas në nivel botëror?

Para fillimit të pandemisë, kërcimtarët maqedonas renditeshin mirë në garat botërore dhe në dhjetë vitet e fundit kemi pasur rezultate shumë të mira. Konkretisht, ne jemi finalistë të shumëfishtë në kampionatet botërore dhe evropiane. Në vitin 2017 kishim kampion evropian, në 2016 kishim nënkampionë bote.
Kështu që, përgjigja e pyetjes do të ishte se kërcimtarët maqedonas renditen shkëlqyeshëm, duke pasur parasysh kushtet dhe financat që ka shteti për zhvillimin e këtij lloj kërcimi. Përkatësisht, është mrekulli që kemi arritur kaq shumë deri tani.

Cilat janë përfitimet e kërcimit?

Përfitimet janë të mëdha në çdo drejtim. Përveç përmirësimit të shëndetit fizik dhe mendor, kërcimi është mënyra më e mirë për t’u socializuar, e cila çon në zhvillimin e ndjeshmërisë dhe ndjenjës së punës në grup dhe gjithmonë jep rezultate të shkëlqyera. Kërcimi na mëson vetë-shprehjen dhe vetëbesimin. Na mëson se vetëm me punë, vazhdimësi dhe dëshirë mund të arrijmë gjithçka që duam.

Ku dhe kur do të zhvillohet kampionati dhe cilat janë pritshmëritë tuaja për të?

Kampionati Evropian do të mbahet nga data 1 deri më 5 korrik në dy lokacione: QS “Jane Sandanski” dhe pjesa finale e kampionatit evropian hip-hop-betëll në pllajën pas East Gate Mall. Presim më shumë se 2500 kërcimtarë nga 20 vende evropiane të shijojnë Shkupin gjatë verës.

Pse pikërisht e zgjodhët EGM si vend për kampionatin në hip-hop?

Ne zgjodhëm EGM sepse është qendra tregtare më e madhe e rangut evropian në rajon dhe si e tillë është një vend, takti dhe dinamika moderne e të cilit do të ketë sukses në një mënyrë tjetër të bashkojë kërcimtarët më të talentuar nga Evropa në një vend.
Hip-hopi si një kërcim për shkëmbimin e emocioneve pozitive dhe EGM si kombinim i bukurisë dhe funksionalitetit janë kombinimi i duhur për këtë verë dhe për Kampionatin Evropian të ardhshëm. Infrastruktura urbane e EGM dhe numri i madh i vizitorëve do të ndihmojnë për të sjellë më tej thelbin e hip-hop-it tek audienca, si dhe për të krijuar dhe shprehur diçka të re përmes zhytjes në muzikë!