Benetton

Grupi Benetton është një markë globale e modës me seli në Ponzano Veneto, Itali, e cila daton që nga viti 1965. Ky grup ka rreth 5000 dyqane në mbarë botën. Dyqani i parë Benetton u hap në vitin 1965 në Belluno, një qytet në rajonin e Veneto në veri të Italisë, dhe tre vjet më pas në Paris. Grupi Benetton përfshin markat United Colors of Benetton dhe Sisley.

Grupi Benetton është i njohur në mbarë botën për sponsorizimet e ngjarjeve sportive, ku promovohen fushatat reklamuese të markës. Në vitin 1982, Benetton emëroi Oliviero Toscani si drejtor kreativ, çka solli një ndryshim në fokusin e marketingut, duke rritur ndërgjegjësimin për çështje globale. Në vitin 1984, Toscani fotografi fushatën e parë shumë-rasiale për markën.

United Colors of Benetton është lider në veshjet e thurura dhe modën italiane të përditshme të stilizuar. E themeluar si një markë e ngjyrosur dhe argëtuese, ajo gjithmonë ka pasur një shpirt përfshirës, me produkte krijuese për të gjithë familjen, me një fokus të veçantë në brezat e rinj.

Një fakt i veçantë është se logoja Green B në produktet e Benetton përfaqëson identitetin e qëndrueshëm të Grupit Benetton dhe të blerësve. Logoja, që ka zgjedhur simbolin e bletës, është zhvilluar grafikisht duke përdorur valën ikonike të kësaj marke. Mesazhi është se ky simbol kontribuon në mendimin se çdo person mund të kontribuojë në “shportën e bletëve”, e cila rritet dhe përhapet ashtu si dhe angazhimi ynë për qëndrueshmërinë.