East Gate Mall, заедно со „Автоплус“, овој месец го организира првиот саем на електормобили „Возиме на струја“ , поддржан од Шпаркасе лизинг и под покровителство на НЛБ банка.

Сите љубители на автомобили и посетители на молот ќе може да ги погледнат изложените модели на електрични автомобили и хибриди и да се зaпознаат со нивните предности за да се создаде подобра и поеколошка иднина.

Електромобили од познатите марки автомобили како Tesla, Alfa Romeo, Fiat, Porsche, Citroen, MG, Toyota, Volkswagen ќе бидат изложени на различни места во молот.

Покрај нив ќе бидат изложени и други типови електрични возила и превозни средства:

–  електрична машина за чистење од Green Machines,

–  електричен велосипед и електричен мопед од All electrics,

–  како и  првото електрично „фиќо“ кај нас, кое ќе биде изложено од страна на Фондот за иновации и BB Classic.

На саемот посетителите, покрај автомобилите и тротинетите, ќе можат да ги погледнат и полначите за електрични автомобили на “Olympia Motors”.

Прокредит, НЛБ и Шпаркасе лизинг ќе имаат пултови на кои ќе ги презентираат кредитните линии за овој тип автомобили.

Саемот на електромобили е отворен за сите од 10:00 до 22:00. Паркингот е бесплатен и сопствениците на автомобили ќе можат да добијат попусти и специјални понуди од Мотоцентар, Мега перална, Мега продавница за автоделови и Кар Бокс авто-козметика.

На 15.10. сабота од 12 до 14 часот во молот ќе се одржи и презентација и посебно претставување на возилата, каде што посетителите ќе може подетално да се запознаат со карактеристиките на овие автомобили.

Се гледаме во East gate Mall!