Висен Шуле

Специјализираниот центар за изучување на германски јазик и преведувачки дејности ВИСЕН ШУЛЕ се наоѓа во центарот на Скопје (Дебар Маало) и располага со простории кои нудат пријатна и релаксирана работна атмосфера, приспособени услови за работа, аудио-визуелни, интерактивни и технички помошни средства, како и современи наставни материјали, но исто така на располагање има и сопствена библиотека.

Тука се нудат курсеви по германски за сите возрасти (со физичко присуство, како и онлајн), индивидуална и групна настава, при што се работи во мали групи за да се постигне поголема продуктивност и ефикасност, кои се според Европска јазична референтна рамка, како и дополнителна настава по училишна програма од страна на професори со долгогодишно работно искуство. Секако нашата цел е слушателите да стекнат јазични вештини кои ќе им бидат потребни во секојдневниот и професионалниот живот, преку конкретни примери од најважните области на секојдневната комуникација. Освен тоа, Висен Шуле нуди и специјализирани курсеви во областа на бизнис, медицина и туризам, подготовка за меѓународни и интернационални испити по германски јазик за сите нивоа, како и  преведувачки услуги од македонски на германски / странски јазик и обратно од страна на искусни преведувачи.

Qinshitft

Qinshif Academy (поранешен Сеавус едукативен и развоен центар) веќе 14 години е позициониран како лидер во неформалното образование со повеќе од 20 000 алумни студенти. Како дел од глобалната групација Qinshift и 14 акредитирани академиии претставува специјализиран центар за обука и едукација на кадар во областите на програмирање, дизајн, компјутерски мрежи, тестирање на софтвер, дигитален маркетинг и наука за податоци. IThink академијата е дел од Qinshif Academy и претставува прв центар во Македонија за обука и едукација на деца и CPD акредитирана академија за програмирање, дизајн, компјутерски мрежи, роботика и веб дизајн. Низ модули од сите најзначајни области во ИТ, го градиме нивниот интерес кон се она што ќе ги насочи во понатамошното школување и избор на кариера. Тука сме за да го овозможиме најдоброто образование преку едукативна програма која ги следи светските трендови.

tinkerlabs.mk

Tinker Labs е дизајниран да го извади вашето дете од традиционалната структура на училницата. Ја нагласуваме важноста на учењето преку обиди и грешки, охрабрувајќи ги поединците да се вклучат во процесот на истражување и решавање на проблеми.

Соочени со предизвикот дека образовниот систем сè уште не ги задоволува потребите на современото образование, дизајниравме програми кои ги воведуваат учениците во светот на науката, технологијата, инженерството, уметноста и математиката.

STEM и STEAM образованието се современи образовни термини кои ветуваат дека ќе помогнат во учењето на новите вештини потребни за да се одговори на предизвиците на променливата иднина. Но, што се STEM и STEAM и што можат да ни понудат?

СТЕМ (наука, технологија, инженерство и математика) се состои од 4 полиња и сите нивни подкатегории. Сепак, веруваме дека вклучувањето на уметноста во моделот STEM е од клучно значење. Уметноста е клучен елемент на иновативните мисловни процеси кои се случуваат холистички во умот. Од оваа гледна точка, децата се раѓаат генијалци затоа што сè уште не почнале да ги делат феномените во посебни дисциплини. Па зошто да се оддели составен дел од (уметничкото) искуство на светот од пристапот кон учењето во кој целта е да се поместат границите на креативноста.

American Corner Skopje

The American Corner Skopje is a cultural, resource and educational center located in Skopje. The American Corner Skopje was officially opened in January 2005, and is supported by the U.S. Department of State and administered through the Public Affairs Section of the U.S. Embassy in Skopje. The Corner is located at the Faculty of Economics – Skopje (UKIM Campus).

The purpose of the Corner is to provide free information to the general public about the United States through books, magazines, DVDs and complimentary access to the internet. Outside the library, the American Corner Skopje hosts a wide variety of events, such as presentations, workshops, interviews, film screenings, book and conversation clubs, educational events and advising hours. Our events cover a wide range of topics from U.S. culture and politics, to history, sport, pop-culture, media, exchange opportunities and education.

The American Corner Skopje is also an EducationUSA advising center, where our EdUSA advisor helps students who are interested in studying in the U.S. from high-school all the way to post-graduate studies.

To access our library and resources, we welcome all interested to become members. Our membership is free of charge and life-long.

To learn more, visit us at our booth at the Биди Cool After School Fair, at East Gate Mall.

Yes International

Нашата програма се базира на комуникациски пристап за изучувањето на јазикот, односно изучување на јазичниот систем и вештини низ употребата на јазикот кој се изучува. На часовите веднаш го употребуваме сето она ново што сме го вовеле и обајсниле, не во теорија, не на хартија, туку во говор! Јазичните правила се учат низ контекст, тоа е можноста да се намалат грешките, ако нешто запаметите, тоа се примерите за употребата кои секогаш можат да се користат во реалните животни ситуации. Сето тоа време Вие сте активни во тој процес. Значи, граматичките и лексичките концепти не ги учите на памет, за нив дискутирате, ги разбирате и веднаш ги употребувате и тоа на странскиот јазик кој го изучувате!

Ќе ни биде мило да Ви објасниме како да учите од дома, зошто секое учење не е продуктивно. Времето кое вие вам потребно нешто да усвоите можете да го скратите ако имате вистински инструкции. Секоја прилика за користење на јазикот кој го учите мора да се искористи, зарем не?

Johnson academy

Едукативниот центар ЏОНСОН АКАДЕМИ постои повеќе од 10 години, и од самиот почеток до денес посветено создаваме современа образовна средина која овозможува изучувањето на странските јазици да биде дел од нашето секојдневие и култура. Долгогодишното искуство, постојаниот професионален развој и посветеноста на континуирано усовршување и иновации нè етаблираа како училиште со висок углед кај нашите клиенти, кои во нас гледаат консултант за прашања поврзани со образованието во изучувањето на странските јазици.

Организираме општи и специјализирани курсеви по англиски, германски, француски и грчки јазик, како и подготовка за полагање на меѓународни испити како Aptis, FCE, CAE, TOEFL, IELTS, Goethe, ÖSD Zertifikat, TELC и други. Нашите часови се динамични, интерактивни, исполнети со теми кои се интересни и целосно прилагодени за возраста на нашите ученици. Секојдневно применуваме посебни методи на предавање кои им помагаат на учениците да ги развијат четирите јазични вештини – читање, пишување, слушање и зборување. Со примена на овие методи ги мотивираме учениците да го засакаат странскиот јазик и го поттикнуваме нивниот талент. Во чекор со новото време програмите се надополнети со разновидни ИТ алатки – интерактивен софтвер, хардвер и дигитални учебници.

Наставниот кадар се одликува со исклучителна стручност и посветеност на работата. Љубовта кон професијата заедно со нашата доследност во квалитетни услуги е клучен фактор за досегашниот успех. Нашата главна цел е да бидеме позитивeн пример за сите ученици, да мотивираме и инспирираме да го следат знаењето и да се стремат кон успех во нивните идни кариери.

Нашата визија е да се етаблираме како врвно училиште кое ефективно ги подготвува своите ученици да одговорат на барањата на општеството кое брзо се менува. Нашата цел не е само да им обезбедиме на учениците одлично познавање на странскиот јазик, туку и да ги негуваме нивните вештини за критичко размислување и да ја поттикнеме нивната креативност со цел да им овозможиме успешно да се справат со сегашните и идни предизвици во нивниот личен и професионален развој.